Роденден дома или игротека

Почнавме да размислуваме каде ќе го правиме првиот роденден на Милена, се двоумиме дали да собираме гости дома или да правиме во игротека а дома да дојдат само најблиските??

Како правите вие, да чујам ваше мислење??

Првиот роденден на Дамјан беше заедно со крштевката и го правевме во кафана со музика и со околу 40 гости. Вториот го правевме дома пак околу 40 гости и сите бевме капнати од работа плус Дамјан беше ненеспан бидејќи јас имав работа и неможев многу да му обрнам внимание (за што нема да си простам никогаш) и плачлив. За овој роденден здравје планирам дома само постарите и поблиските а другите со деца во игротека

Јас ке бидам веке тргната на работа, свекрва ми исто на работа оди, ке биде многу тешко, а најмалку што сакам е да ја запоставам Милена на нејзиниот роденден

немој да го направиш тоа зошто ќе ти биде многу криво потоа

од мое искуство најдобро е во игротека најмногу поради детето ако е дома мислам дека ги запоставуваме од многу работа

дефинитивно во игротека. роденденот се прави за децата, а не за возрасните. покрај тоа и ти си таму гостинка а кога ќе си дојдете дома све ти е чисто и само да си го ставиш детето да спие.
единствено ако немаш многу пријатели со мали деца, па можеби поради тоа подобро би ви било да се соберете друштво дома.

Па знаете како сите братучеди и братучетки имаат деца, е сага па тетките и сите останати нема да дојдат во игротека, ама па сега нема јас свадба да правам. А и старосватовите и кумовите се со деца, така да сигурно ќе биде во игротека, а дома исто ќе дува свеќички со бабите и дедовците.
А која игротека би ми ја препорачале вие, и сакам да знам од прилика колку ќе не кошта и што добиваме од иготеката а што трба да носиме ние освен тортата??

е па ти сега тетки стрини и вујни. не е свадба.
за роденден викни си ги само братучедите и пријателите со деца. јас за првиот роденден ги поканив сите први братучеди од кај мене и мм. ама за вториот само тие што имаат мали деца.
цената секаде е приближно иста 2000-2500 денари за 2 часа.
а освен торта можеш да си однесеш што сакаш. но немој многу затоа што за два часа ништо нема да се изеде.
обично пијалок си дава игротеката и на крај си го плаќаш.
најчесто се носи мезе -ордевери, пица или кифлички.
во некои игротеки даваат грицки за децата и сокчиња.
јас би ти ја препорачала игротеката во Капиштец - „Во светот на децата„. за 2500 денари даваат грицки и сокчиња за децата, поклон за славеникот (лани беа топлинки од „Кеги„, а сега кукла за девојчиња, фудбал за момчиња), претстава со кловн или црвенкапа, слики на цеде и снимано со камера дивиди (мада ова не е баш некоја снимка, туку тие камерите што снимаат нон стоп во игротеката, само изрежано на цеде).
просторот е прекрасен, широк и со многу нови играчки. а девојките кои работат таму внимаваат постојано на децата и една од нив задолжително стои на врата за да не излезе некое дете надвор или да влезе некој непоканет.
ние таму го славевме вториот роденден. за оваа година не сме решиле.

а ако ти е далеку Капиштец, бевме кај братучетка ми во Бутел во игротека „Чекорче“ и таму многу ми се допадна. само не знам како се со цени и што нудат.

А каде се наоѓа таа во бутел, инаку ми се допаѓа ова што го напиша за оваа во капиштец и фала за сите информации!!!!

Prviot rodenden na Marija go slavevme doma,na denot na rodendenot bese sobrana familijata (uzi krug), a naredniot den moi drugarki i prijateli. Moe licno mislenje deka na ovaa vozrast e premnogu mala da go osoznaee slavenjeto na rodendenot vo igroteka. Edinstveno sto e prednost ke se postedis samata sebe od spremanje po doma. Izborot e tvoj

Види има вистина во тоа што го вели сашка - дека таа е мала за во игротека, но факт е дека се поштедуваш од средување и спремње пред и по роденденот. Тоа веќе и го напишав во првиот пост за оваа тема.
Но воопшто не сум за тоа два дена по ред да се слави роденденот и да се викаат многу гости. Ептен малтретирање за детето и родителите.
Во Бутел таа игротека не знам каде е точно - јави се на информации најди нивни телефон и распрашај се. таман можеш да дознаеш и све друго што те интересира.

е па зарем ако правиме дома она ќе разбира, ќе гледа многу народ и гужва, јас мислам дека исто е тоа, само што кога ќе треба да спие ако правиме во ифротека како што рече ане ќе си ја легнам одма и се ќе ми биде чисто и на раат после кафе ќе си пиеме барем.

јас сум за домашна атмосфера со најблиските
другарчиња и братучеди нема многу помали така да не ни одговара игротека
освен тоа во близана кај нас едно дете се врати од роденден и директно во болница затровање
недај боже ама јас си знам што дома сум приготвила и направила и не ми е тешко така да остануваме дома

ни се ближи именденот па кажувајте рецепта некоја за торта

имаш рецепти за торти колку сакаш во тајните на мојата кујна.

Какви роденденски торти купувате?? Милена е мала да каже каква сака, па незнам каква да одберам??

Јас првиот роденден на Елена заедно со крстевката ги правевме во кафана,Интимна атмосфера окулу 40 гости,беше убаво.Додека за Ангел сите родендени освен првиот ги правиме во игротека.Овој пат ја одбравме би хепи во Ново Лисиче во диско.Одбравме термин од 17-19 поради Елена исто даваат подарок за славеникот,грицки, а ние носевме пици,торта.Ми се допаѓа во игротеката што е поделена на групи има за бебиња, за поголеми деца и диско со лајт шоу караоке сони и др..Има девојки кои ги забавуваат децата.

Пред да се решиш може да отидеш на кафе и да видиш како е внатре, да си поигра Милена.

денес бевме да видиме каква е игротеката и закажавме за роденден.
се вика „Дримленд„ и е на улица железничка, спроти Зират банка. порано беше „Кидсленд„ или нешто сл. и тогаш беше убава - го носевме никола да си поигра, ама сега ептен е супер. ја прошириле на три ката. покрај тоа дворот го средваат и таман за роденденот наш (28.07) ќе можеме да го користиме.
инаку се плаќа 2500 со грицки, сокчиња за децата, плус лотарија (ситни подароци за нив) подарок за славеникот по избор (камионче, кукла или маичка), цеде со слики и сниман роденденот. има девојки кои ги забавуваат децата со организирана програма.
дополнително се плаќа пиењето за возрасните. јадење може да се носи од дома или имаат тие договор со некои пицерии и ресторани за испорака (ама ко што гледав цените им се солени).
најмногу ми се допадна што е просторна игротеката и убаво средена.

а што е солено пиењето или јадењето??
Знаеш како се движат пиалаците??

Јас палнирам деновиве да прошетаме по некои игротеки.

Чекај малку Ане, мене нешто изгледа не ми е јасно...сакаш да кажеш дека во игротека се закажува 3 месеци порано???
Лелееее, јас не сум запознаена со овие работи, ама не ми се верува ова што го читам...па не закажуваш свадба???
Ако е така, тогаш најпаметно ми е да отворам една игротека, ќе се намлатам пари

Што знам една моја пријателка закажа роденден во една игротека во Лисиче недела дена пред роденденот , изгледа секаде е различно. А вие што мислите поарно е да се носи јадење и пиење од дома или се таму да си организираш па да не му ја мислиш многу?

Е па најубаво е за ништо да не мислиш, ама се зависи од цената која ја имаат и што ти нудат??

за тоа кога ќе закажеш во игротека, зависи од нејзината актуелност и периодот кога е роденденот , т.е лето или зима.
имено кога го закажувавме првиот роденден за Никола, отидовме две недели порано (пред да одиме на одмор), но немаше термин за во 19.30 туку само за 17.30.
во лето најбарани се покасните термини, бидејќи е жешко и денот е поголем. зависно од временскиот период некои игротеки се поактуелни од други. имено летно време се бараат климатизирани и игротеки со тераса т.е двор и сл.
затоа сега (иако отидовме само да ја видиме игротеката) и бидејќи многу ни се допадна, си закажавме термин.
а само да споменам - скоро до први јули сите покасни термини(од20часот) беа зафатени.


е а за храна, си носам од дома, бидејѓи прво е поефтино, а второ повкусно

Ане ја немам ич искуство со ова , не ни знам што нудат како храна од таму , па да направам споредба, мада ја и кога би се одлучила да ја носам од дома, тоа нема да биде домашно спремено туку би било пак нешто готово, па сервирано , од сувомеснато , до кифлички и разни колачи , може само пилешката да ја направам јас , жими за тоа што ме бива. Инаку има 9 врсти на прекрасни ролати кои чинат по 65 ден еден и се многу вкусни. А за некој со подлабок џеб има 1 кг колачи 500 ден ги прават во Кавадрци ама прекрасноизгледаат на око и не само тоа туку се и превкусни. 3 кг. би биле доволни во комбинација и со некои поевтинки како ролативе. Мојот директор ги порачува и ги носат баш до дома , малку се скапи ама вреди за парите. Следните кога ќе ги донесат ќе ги сликам само да видите колку убаво изгледаат.

Не сме се рашетале уште ама ќе одиме утре попладне здравје боже.
Инаку планирам да однесам Шопска салата, топло ќе биде кој ќе јаде крем салати со мајонези, а може и без салата да поминеме.
Ќе купам багет лепчиња, па ќе намачкам некој намаз, ќе наредам сувомеснато нешто и кашкавалче, кифли свекрва ми ќе ми направи, благо убава идеја ми даде Стар за ролативе и мислам дека знам за кои мислиш.
Е пиењето нека биде од игротеката, слушам некој и од домаа дозволуваат да носиш, ама бре па и за тоа ли да мислам, а и не е многу скапо пиењето.
Во радишани имало игротека Том и Џери, со многу убав двор, околу 2000 коштало, па ќе ја ѕирнеме.

lola напиша:

Ако е така, тогаш најпаметно ми е да отворам една игротека, ќе се намлатам пари

ајде што чекаш сите кај тебе ќе славиме :big hug:

Само неколку совети - од лично искуство:

1. Не носете многу храна, бидејќи времето е кратко и луѓето многу малку јадат.
2. Најдобро е ордевери со сувомеснато, кифлички и сл. храна која не се размачкува. Полесно е за сервирање и за носење до таму. Покрај тоа ви сервираат тие што работат таму и може да направат шлакутарници од тоа што ќе го однесете (на пр. крем салати, шопски и сл).
3. Колачи не ви требаат бидејќи благо е тортата која ја служите.